الأم المثاليَّة
- الأم الحنون اللي عطت كلوتـَّا | تستاهل وفا وتْحضْ تكريمتـَّا |
- موش اخساره | فيها القول السمح مالشّعَّاره |
هاذي إنسانة صادقه صبَّاره | والموقف رهيب وبنتها أشغلتا |
جتْ فازعه والكبد ما تذ َّاره | والهول قايسه من قبل في جيبتـَّـا |
أكيد كمْ مرَّة حاسَّة بْمرارة | الموت في إنجاب خواتها وأخوتـَّـا |
وْما حنْ منها فيه واحد داره | الخالق اللي وصَّى عليِّ طاعتـَّـا |
ما يْهينها واحد يْريد كباره | شفاء للمريض مْغير تبسيمتـَّـا |
فالدنيا بعدها ما اهناك مناره | والعازه صحيح الواعره فقدتـَّـا |
- قدّرتوْها | بْوقفةْ وفاء تحــــــــتاج كرمتوها |
حتى انتم اصَّابيْتوْا وساعدتوّها | وبإذن الكريم وقدرته انقذتـَّـا |
ضحَّتْ بْكلوتـَّـا وشجعتوها | وفرْحتْ وحقق ربنا غايتـَّا |
ابعانت الله للناس وصلتوها | القصَّة اللي كانت سبب فوزتـَّـا |
افضالكم علينا عمر ما ننسوها | مو اغير موقف في مواقف شتـَّى |
كمِّين نفس تعبانة وعالجتوها | وعانكم الله ردتلها صحتـَّـا |
ومنـَّا تحيه صادقة انزفوها | لنخبة كريمه شائعه شهرتـَّـا |
وأسمَى شهايد بالوفاء نهدوها | للطاقم اللي ماضيّعوا تعبتـَّـا |
وأنتم ضناها الأم وألقيتوها | وْرآه كل شيِّ أشويِّ في اجلوتـَّا |